Tidarfelagi.com

ምክንያት በጠና ታማለች

ምክንያት በጠና ታማለች:: ምን እንደነካት ማንም አያውቅም:: አሉባልታ ግን አለ:: እነ ባህል; ዕድር; ሃይማኖት…መርዘዋት ነው የሚሉ አሉ:: ፍልስፍናም ይህን አሉባልታ ሰምቷል:: ሳይንስ ናት የነገረችው:: ባሉባልታ አያምንም:: ባያምንም ሰምቷታል::

ሁሉም በምክንያት ዙሪያ ቁጭ ብለዋል:: ፍልስፍና ያዘነ ይመስላል- ፊቱ ስለማይነበብ በእርግጠኝነት መናገር አይቻልም::

ሳይንስ ምክንያትን ሊያድን የሚችል መድሃኒት ለመፍጠር በተመስጦ እየሰራች ነው:: ሃይማኖትና ወንድሞቹ ደስ ያላቸው ይመስላል:: ምክንያት በጠና ታማለች:: እድር ጥሩንባውን እያዘጋጀ ነው:: ውስጡ ደስ ቢለውም ባህል ምን ይለኛል በሚል ደስታውን ለመሸሸግ ሞክሯል::
ባህል ባህሉ በሚፈቅደው መሰረት ምክንያት ስትሞት መደረግ ያለበትን ያስባል::
ሳይንስ መድሃኒቱን ለማግኘት እየጣረች ነው::
ፍልስፍና በሀሳብ ጭልጥ ብሏል::
ምክንያት ሕመሟ እየጠናባት ነው::

እግዜር ይማራት!

የራስ ናቸው፡፡ የማንንም ሃሳብ ለመፃፍ አልተከፈተም! የሚያስማሙንን ሃሳቦች እዚህ ካገኛችሁ እሰየው፡፡ ለመስማማት አንፅፍም፣ ለመፃፍ አንስማማም፡፡ ወዘተ

አስተያየትዎን እዚህ ይስጡ

የኢሜል አድራሻዎ አይወጣም

Loading...